المصلحة التونسية؟ وواجب التدخل العسكري التونسي في الأزمة الليبية 

المصلحة التونسية؟ وواجب التدخل العسكري التونسي في الأزمة الليبية 

 

 هذه: محاولة في السياسة الخارجية القومية

بعيدا على الاصطفاف الغبي اسلاميين/علمانيين أو جماعة تركيا/قطر ضد جماعة الامارات/مصر /السعودية.

ماهي المصلحة التونسية في هذا الصراع؟ 

 للامانة انا ديما نخزر لليبيا  كدولة تابعة لتونس. هذا معطى نراه واقع تاريخي علخر و لذا ديما نستشرف المستقبل الي فيه ضم ليبيا لتونس يوما ما، أما الدولة القومية التونسية مش لهذه الدولة. 

و لذلك: 

 – في الصراع الليبي الدائر بين اتباع حفتر وحكومة الوفاق نرى انو حفتر متعالي علخر على تونس لأكبر درجة و ممكن حاقرها اصلا، و لهنا تذكرو الفيديو الي هبطاتو قواتو في جيتهم لتونس و كيفاش استعرضو على حساب الامن التونسي.

من شيرة اخرى حكومة الوفاق نراها تقبل بالتدخلات التونسية و ممكن ياسر تطلب دعم تونسي او مساعدة تونسية امنية ,تعليمية,صحية و ممكن عسكرية. 

هذا الي مستحيل يعملو حفتر الأقرب للتبعية المصرية (بتدخل الطيران المصري لدعمو سابقا). 

حفتر مدعوم من الامارات الي مشبوهة علخر في التأمر على الامن التونسي و مشكوك فيها انها هي نظمت حادثة الامن الرئاسي و معادية تماما للثورة التونسية هي و مصر والسعودية لذا فانو انتصار حفتر يعني شبعة مؤامرات و ارهاب وممكن علخر ضغوط على تونس تشبه ظغوط القذافي ومؤامراتو في عقدي السبعينات والثمانينات. 

حفتر ولد نظام القذافي القديم علخر الي كان حاقر تونس و كان مستفعل بالاختراق بواسطة ( المصمودي وزير الخارجية و بن علي مدير الأمن، الزوز كانو عملاء ليبين). 

التآمر ب ( اضراب 1978 و قفصة 1980). و الاذلال ( طرد الخدامة التوانسة في ليبيا 1978 و 1985).  يعني برجولية تو بالدعم الاماراتي,المصري,السعودي و ممكن الفرنكو_امريكي منظنوش انو بش يكون جار باهي لينا. 

– الي نراه انو حكومة الوفاق اسهل علخر في التعامل معاها. الحق تذكرني بعائلة “قرمانلي الي حكمت ليبيا في القرن 18” الي كانت تابعة و مرتبطة علخر بالدولة التونسية زمن العظيم حمودة باشا الحسيني. 

ق18

من شيرة اخرى تونس سليبة علخر علخر .مقابل التدخلات العسكرية المصرية، الاماراتية، التركية و الله اعلم شنية. 

أين هو الجيش التونسي ؟؟؟

 ماتحكيلي حتى حكاية تونس قادرة تدخل عسكريا علخر في نطاق حدودها على الاقل تعمل حزام عازل ب 50 كلم . وهاذا قلناه هنا من 2012-2013. 

 مستحيل يكون عنا دور فاعل من غير قدرة تهديد عسكري و بلاهي متقولوليش معناش جيش لنو نصرفو في 800مليار تقريب على وزارة الدفاع مش بش تعمللنا الاستعراض و تقوم بعمل الحرس الوطني (الحرب على الإرهاب: متجيش خدمة جيش وانما حرس وطني كان جات عنا دولة حقيقية). 

يلزم، رئيس قومي تونسي يعمل تدخل في ليبيا للحرب على حفتر و من بعد مساعدة حكومة الوفاق في القضاء على العصابات الاسلامية. هاذا هو الصندي و الباقي دبلوماسية سياحية. 

– في هذه الحرب انجمو نتحالفو مع الأتراك ظرفيا و لحدود معينة نتحكمو فيها عبر تمكننا من الواقع و قدرتنا على المناورة و هذا الي لازمو جهاز استعلامات عامة ودبلوماسية حقيقية مش دبلوماسية الخديم الأبيض الفاوح (هذا هو التشخيص الواقعي المحيل على العهر). 

في هذه الحرب نحتاجو انو الحكومة الليبية المقبلة تكون مدينة لتونس بتدخلها و بحمايتها زادا .معادش حاشتنا بتونس السلمية المجمعة متع البيانات الاخوية!! لكن حاشتنا بتونس الفاعلة الصادمة و الجريئة و هذا هو جوهر الدبلوماسية القومية التونسية. 

Hits: 1863

تبعنا على صفحة "الروح التونسية"
ساهم في نشر الوعي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *