المفاهيم الأولية: القوم، القومية، القومية التونسية

المفاهيم الأولية: القوم، القومية، القومية التونسية

1. القومية:

– القوم هوما الجماعة الي ينتميلها الشخص بوعي و إرادة . الشخص الي ينتمي لجماعة بسيف عليه او مؤقتا مستحيل يعتبرهم قوم. صفة القوم تطلق على الانتماء الجماعي الواعي و خاصة الارادي.

– الانسان ديما يتولد و يتربا داخل جماعة بشرية معينة. لكن بعد الرشد و النضج يحدد موقفو منها و من انتماؤو الوراثي ليها يا يكمل يا يخرج . الأمة هيا جماعة بشرية.

-القومية اذا هيا اختيار الانتماء الواعي ل أمة معينة , إرادة التقدم بيها و الدفاع على قيمها و مصالحها .

– القومية هيا عقيدة سياسية تؤمن بأمة معينة ( حقيقية او مزيفة) و تخدم على خاطرها ,على خاطر سيادتها ,عزها,قوتها و عظمتها التاريخية.

2. القومية التونسية

– القومية التونسية هيا عقيدة سياسية تبنوها التوانسة الي اختارو عن وعي و بإرادة كاملة انهم ينتميو ل الدولة التونسية و ل الشعب التونسي رغم كل ظروف التخلف , الضعف, العجز ,الفساد و الانحطاط التام الي يعيشوه الدولة و الشعب التونسي.

– القومية التونسية هيا عقيدة سياسية تونسية ( مهيش مستوردة و مسقطة من الخارج كيما باقي العقايد/الأيديولوجيا و الموضات السايدة في تونس حاليا ) تؤمن بالأمة التونسيةو غايتها تحقيق النهضة الروحية ,السياسية,العسكرية, الاقتصادية ,العلمية, التقنية,الرياضية , الفنية و حتا الدينية التونسية .

– القومية التونسية هيا وعي ,ايمان و إرادة . وعي بالوجود الحقيقي الفعلي للأمة التونسية بعد اكتمال تكونها السياسي و الاجتماعي . ايمان بواجب و حق الامة في العظمة و المجد التاريخيين الي يتمثلو في التقدم العلمي , التقني , و القوة العسكرية ,الاقتصادية و السياسية العالمية .و إرادة تغيير الواقع التونسي الحالي و تحويل وجهة التاريخ التونسي نحو قمم الفعل و الوجود الإنساني.

– القومية التونسية هي يقظة الأمة التونسية و استفاقتها من الأوهام الإلغائية ( الي تلغي وجودها لصالح امة وهمية خارجية اكبر منها في الحجم ). القومية التونسية هيا تنور الضمير السياسي التونسي و قرار الامة انها تنحت مصيرها السامي الراقي العظيم الي تستحقو في هذا العالم.

Hits: 28

تبعنا على صفحة فايسبوك "القومية التونسية"
ساهم في نشر الوعي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *