قصيدة ملحمية لإحدى معارك إنتفاضة المرازيق ضد المستعمر | شعر شعبي تونسي

قصيدة ملحمية لإحدى معارك إنتفاضة المرازيق ضد المستعمر | شعر شعبي تونسي

قصيد ملحمي يروي تفاصيل واقعة البرج ( ضمن انتفاضة المرازيق 1943ـ 1944) للشاعر “عبد اله بن علي بن عبدالله من شعراء دوز الشرقي”

وقع ملطم في برج الدولة الفلاقة دالوه
هاذوكم حلفوا لهاذوما بالسيف نخشوه
الفلاقة جلسوا في الخلة على البرج وروميه
لغط ولد الصيد لعبدالله غدوة نكونو فيه
بات حامد يطحن في غلة اطوال الليل عليه
حتى بان الفجر اجلى صوب نادى بيه
زار جده المحجوب وصله وطالب ما شاهيه
موش وحده محدر بمحله اخوته يحذو فيه
كل واحد على كتفه سله بانيطة وحربيه
حالف بطلاقة لا ولى دون سمح قطاطيه
مربوطه في الحبس وغله وطال رجاها فيه
اثرنهي الايام تدقله حامد قصرت بيه
على اخوته موسعها فله لا جاهم لاروه

*********
الفلاقه داروا زغبية هافوا للميدان
مغاليل قلوبهم مملية على قوم العديان
رباط نساهم والذرية شيء يغيب الاذهان
هجموا على لوح الفجرية مع مسبح الاذان
كل واحد فيده مانية محرب ع الافتان
حامد يغلي ناره حية متحشرد مليان
يفعل خوه الطاهر زيه وسيده قبله كان
ويحيى في الصمعه المبنية شهر شرع الاذان
جاته من رفقاه مليه حضر وعده قتلوه
اللي يفعل يوم المشلية بالسيف يثنوه

*********
الفلاقه يمشوا ع النية لا داروش خلاف
لا هزوا بل وشاوية لامال ال يصراف
سمعوا من الدولة الدونية سكنوا في الاطراف
خشوا لصحاري مخلية يذهبها العراف
لكن دولتنا بدعية تقصص في الاعراف
اللي يضوي تطفيله ضيه وتفرح بالقفاف
يظل يصغي في كلام وخية طول يمشي للشاف
فارح كنه جاب سعية رق الدين ضعاف
يحدثهم عل كل سوية تقول عنده تيساف
علينا حدد كل ثنية ونصب المنداف
قال رزق المجني يتفيا في السوق يبيعوه
سمعوا امالي النفس الحية للمركز داكوه

**********

وقع ملطم عند الفلاقه في مركز بوشفال
ماني وقرين وطقطاقه واللي مات حلال
رقى سامر داير طلاقه على قول اللي قال
امالي المركز ظهروا جاقه وعرفوا اللعب ابسال
الشيخ لشهب شمر عل ساقه خذي جرة ميشال
باقي واخذ في التدراقه يتبع في الاظلال
قصر كذبه وحلان اشداقه منين البرج اندال
شيخ دوز الشرقي في رياقه عليه علق شنقال
لا داير عيب ال يتراقى ولا هوكه قصدوه
دبوس وبركه وحذاقه مخليهوله بوه

**********
وقع ملطم ناره شعاله عل قول الحضار
ريت اولاد ال فعلوا الداله طبوا في كانار
زدموا للمركز بامحاله جوا يفدوا في الثار
ذراري يرومو الحب قباله الرجعه لتالي عار
حامد والطاهر فعاله اولاد رسوه وديار
خميس والمنصوري خاله في العديان عبار
جلاوط وقت الضيق تغالي صيد يرزم قحطار
شوايدهم في كل عماله اندلجوه في الاخبار
من تونس لبحيرة تاله للشام لهقار
ردسوا عند البرج قباله وبالغايب نادوه
زرع ال مرطاته الكياله عبار باجي ردوه


****


وقع ملطم في القن وواده ما بين العديان
فزعت مطماطة في حشاده بنعيسى وتوجان
حاكمهم يامر في اولاده شدوهم شدان
اللي يجيب الغول وميعاده نعلقله نيشان
كل واحد ينده في جواده طامع بالسعيان
يحساب الحربي واصهاده مسكوفه كيسان
تلاقوا وين البر تعادى ردة بن شعبان
الطاهر ولد عمر تمادى صابر للنيشان
زوايلهم قعدوا في حماده للذيب الجيعان
صعيب بحره من يدهم واده لا قدوا يطبوه
يرموا منه عطاش كساده جهار شايح خلوه

***********
عقد المخزن جي في طمه الحاكم والشواش
جوهم قواده بالذمة الفلاقه قداش
لقيوهم ما فيهم رمة مضبوطين عطاش
حمد غايب ماهوشي ثمه غافل ما علماش
جي مروح يشبح في اللمه عرفها موش بلاش
حرج قلبه وتبدل دمه ركبه الغيظ وهاش
سند فرغ فيهم سمه ابسال اللعب احراش
سته سقطهم في الحمه رقدوا مثل كباش
معاه المكي ضنوة عمه باللي ما عرفتاش
الله يرحم ما جابت امه صيد عاتي نواش
لا نجحد لا نعرف ذمه الخاطئ ما نقولاش
نحكي بالشيء اللي ثمه للناس ال يصغوه
على عقد اللاحق في لمه زوز بركه فضحوه
وقع ملطم في فجوج خلية في ضحضاح بعيد
جملها حشادات قوية نفزاوة وبنزيد
من العسكر لجبل محيهه طاحوا بولد عبيد
لا غاته بالفم ولية قاتله الخلق يكيد
عليك بعدوا اخوتك جملية وانت راك فريد
قاللها محال علي الهربه عندي كيد
سند في حقفه مخطية عقل رجله بحديد
واجب اللي رافع في هاني حذاك وجيد
تبين ما تغباش علي لاكانك صنديد
ردك بيت النار بحربية منها دار غريد
خلاها جنايز مرمية الارقاب مسانيد
واتتهم شعبه مخليه رقيو له ختلوه
حضرو عده ولا صاب نجية طاب زرعه حصدوه

Hits: 497

تبعنا على صفحة "الروح التونسية"
ساهم في نشر الوعي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *